Cwrdd ag aelodau'r pwyllgor

Mae Rob Humphreys yn weithiwr proffesiynol ym maes addysg sy’n gredwr cryf yng ngallu addysg oedolion i drawsnewid bywydau. Mae ganddo gysylltiadau ar draws byd addysg, y byd academaidd a sefydliadau diwylliannol, chwaraeon a’r llywodraeth yng Nghymru. Bu’n Gyfarwyddwr Cymru’r Brifysgol Agored am ddegawd cyn iddo adael ym mis Tachwedd 2017. Cyn hynny, Rob oedd Cyfarwyddwr Cymru’r Sefydliad Cenedlaethol dros Addysg Barhaus i Oedolion.  

Mae Susana'n gyfrifol am strategaeth, cyflawniad a pherfformiad cyffredinol rhaglen Taith. Mae'n gweithio gydag uwch staff yn Llywodraeth Cymru a'r sectorau targed i hyrwyddo buddiannau a gwerthoedd y rhaglen ledled Cymru ac yn rhyngwladol. Ymunodd Susana â rhaglen Taith ar ôl gweithio i'r British Council mewn nifer o swyddi rheoli ac arweinyddiaeth mewn gwahanol wledydd yn Nwyrain Asia, Affrica Is-Sahara ac yn y Deyrnas Unedig.

Paul yw arweinydd academaidd partneriaethau addysg, ymchwil a strategol byd-eang Prifysgol Bangor ac mae hefyd yn gyfrifol am Strategaeth Ymgysylltu Byd-eang y brifysgol. Cyn ymuno â Phrifysgol Bangor, bu'n Gynghorydd Arbenigol i Bennaeth ac Is-Ganghellor Prifysgol Dundee, lle mae'n Athro Anrhydeddus mewn Datblygu Rhyngwladol.