Cymunedau Dysgu Proffesiynol Rhyngwladol

Yn 2020 ymwelodd dirprwyaeth yn cynnwys deg o athrawon ac ymarferwyr addysg o wyth o ysgolion o Gymru â Fflorida i ddysgu am ddefnyddio model Ysgolion Partneriaeth Cymunedol (Community Partnership Schools™) i gau’r bwlch cyrhaeddiad.

Gall partneriaeth gymunedol gynnwys y partneriaid craidd canlynol; ysgol, prifysgol neu goleg, sefydliadau cymunedol nid-er-elw a darparwr gofal iechyd, ymysg eraill. Mae model yr Ysgolion Partneriaeth Cymunedol yn cyd-fynd ag uchelgais Llywodraeth Cymru i waredu anghydraddoldebau o ran deilliannau dysgwyr fel bod pob dysgwr, beth bynnag y bo ei gefndir, yn anelu’n uchel a chael cyfle cyfartal i gyflawni ei ddyheadau. Mae rôl yr ysgol yn allweddol o ran cyflawni’r uchelgeisiau ac amcanion hynny.

Yn ystod eu hymweliad â Fflorida bu’r cynrychiolwyr yn archwilio arfer gorau a dysgu am strategaethau ac arfau y gallant eu defnyddio yn eu hysgolion ac yng nghymunedau eu hysgolion yng Nghymru. Cawsant gyfle i ddysgu am ehangu dulliau addysgu a chysylltiadau cymunedol ysgolion. Cafodd y cynrychiolwyr gyfle hefyd i ymweld â gwahanol ysgolion cymunedol yn ogystal â chymryd rhan mewn sesiynau trafod a meithrin cyfleoedd cydweithio gyda rhanddeiliaid allweddol.

Canolbwyntiodd yr ymweliad i Efrog Newydd ar Effaith Tlodi ar Gyflawniad Addysgol trwy'r dull Ysgolion Cymunedol, a thrwy ymweliadau ag ysgolion a sefydliadau cymunedol, roedd y cyfranogwyr yn arsylwi arfer gorau mewn ymgysylltiad llwyddiannus rhieni, teuluoedd a chymunedau ag ysgolion.

Canolbwyntiodd yr ymweliad i Berlin ar Strategaethau ar gyfer Integreiddio Ffoaduriaid, a thrwy ymweliadau â sefydliadau awdurdodau cyhoeddus, sefydliadau gwirfoddol ac ysgolion, roedd y cyfranogwyr yn arsylwi ar arferion gorau a pholisïau a gyflwynwyd yn Berlin gan sicrhau bod gan bob plentyn hawl i addysg.

Taith i Tsieina i ddarganfod dulliau newydd o ddysgu mathemateg gynradd

Prif bwrpas y daith i Chonqing oedd  ysbrydoli dulliau newydd o ddysgu Maths Cynradd bydd yn trawsnewid i weithred o fewn ysgolion Cymraeg. Yn ystod y daith, a gynhaliwyd gan British Council Tsieina a Chomisiwn Addysg Drefol Chonqing, bu’r cynadleddwyr yn arsylwi amryw o arfer mathemategol trwy sefydliadau blaenllaw, arbenigwyr ac ysgolion sy’n gweithredu safon uchel o fewn y meysydd canlynol:

• Maths gweithrediadol
• Methodoleg addysgu
• Arfer orau o fewn ‘Mastery Maths’

Taith i India i ddarganfod gweithred celfyddydau mynegiannol a chymdeithasol

Bu’r daith IPLC i India yn archwilio gwahanol ffyrdd o weithred celfyddydau mynegiannol a chymdeithasol. Cynnalwyd y daith gan British Council India a ThinkArts, sefydliad sy’n cyflwyno digwyddiadau celfyddydol trawsnewidiol i blant a phobl ifanc.

Fel rran o’r rhaglen, Arsylwyd y dirprwyo amrywiaeth o weithred celfyddydau mynegiannol trwy ysgolion a sefydliadau blaenllaw sy’n dangos dulliau arloesol o integreiddio arferion celfyddyd fynegiannol tu fewn a thu allan i’r dosbarth.

Pwrpas y daith oedd ysbrydoli strategaethau newydd a gwella gweithred o fewn Celfyddyd Fynegiannol, sydd yn cynrychioli un o chwe Maes Dysgu a Phrofiad o fewn y Cwricwlwm Addysgol Cymraeg newydd.

Ymweliad â Chanada i archwilio arloesi ym maes dysgu ieithoedd, llythrennedd a chyfathrebu

‘Ieithoedd, Llythrennedd a Chyfathrebu’ (ILlC) yw’r mwyaf o chwe Maes Dysgu a Phrofiad o fewn datblygiad y cwricwlwm newydd yng Nghymru.

Nod ymweliad IPLC 2018 i Ganada, mewn cydweithrediad â Chyngor Prydain Canada, fu archwilio arloeson addysgol a strategaethau ILC i ddatblygu:

• Siarad
• Gwrando
• Darllen
• Ysgrifennu
• Cyfathrebu

Yn ystod y daith, arsylwodd y ddirprwyaeth amrywiaeth o arferion Ieithoedd a Chyfathrebu Llythrennedd trwy gyrff arweiniol ac ysgolion sy’n arddangos safonau uchel o addysgu. Dylai hyn ysbrydoli ymagweddau newydd at wella ymarfer addysgu a fydd yn trawsnewid arfer o fewn ysgolion Cymru ac i arwain at ddatblygu strategaethau newydd i ddatblygu sgiliau’r 21ain ganrif i fyfyrwyr.

Yn bennaf, roedd y rhaglen yn anelu at:

• datblygu dulliau effeithiol i baratoi’r gweithlu addysgu i gwrdd â’r her;
• dadansoddi effaith strategaethau ysgol-gyfan ar lythrennedd disgyblion;
• datblygu pedagogau mwy effeithiol ar draws yr holl ieithoedd a gynigir yn y cwricwlwm;
• Ennill cefnogaeth wrth ddatblygu deunyddiau addysgu creadigol ac adeiladu partneriaethau cynaliadwy ar gyfer arloesi a rhannu syniadau ar gyfer ymarfer addysgu effeithiol.

Ymweliad â Gogledd Iwerddon i arsylwi arfer gorau yn nefnydd technoleg ddigidol

Rhoddoddd y daith hon, ar gyfer ysgolion sydd angen cymorth bellach i weithredu’r Fframwaith Cymhwyster Digidol, gyfle i athrawon Cymraeg i arsylwi arfer gorau yn nefnydd o dechnoleg ddigidol ar gyfer dysgu trawsgwricwlaidd.

Cafodd rhaglen y daith ei dylunio gydag Adran Addysg Gogledd Iwerddon a Chanolfan AmmA, canolfan ddysgu creadigol amlgyfrwng sydd yn gwella a chyfoethogi sgiliau disgyblion trwy lwybrau newydd megis:

• Technegau golygu fideo digidol a chamera digidol
• Dylunio amlgyfrwng
• Adroddi straeon digidol

Yn ystod y daith, bu'r cyfranogwyr yn arsylwi amryw o arfer Cymhwyster Digidol trwy AmmA, prosiect C2K Adran Addysg Gogledd Iwerddon ac ysgolion sy’n gweithredu safon uchel o gymhwyster digidol, ac o ganlyniad cafwyd cyfle unigryw i ysbrydoli gweledigaeth strategol eu hunain o sut i weithredu’r FCD yn ymarferol.

Taith i Ganada i arsylwi ystod o arferion ieithoedd tramor modern

Nod Cynllun Dyfodol Byd-eang Llywodraeth Cymru, a lansiwyd ym mis Mehefin 2015, yw mynd i'r afael â'r gostyngiad yn y nifer o ddisgyblion o Gymru sy'n astudio TGAU mewn Ieithoedd Tramor Modern. Bydd Cymunedau Dysgu Proffesiynol Rhyngwladol, mewn cydweithrediad â British Council Canada a Gweinyddiaeth Addysg Ontario, yn rhoi cyfle i athrawon o Gymru ymweld ag Ontario, Canada.

Ymwelodd y ddirprwyaeth ag ysgolion a sefydliadau blaenllaw sy'n arfer safon uchel o ddysgu ieithoedd. Roeddent yn arsylwi ystod o strategaethau a datblygiadau newydd ym maes dysgu ieithoedd tramor modern sy'n ennyn diddordeb disgyblion yn y maes.  Bu hyn yn gymorth i ddatblygu dulliau newydd o wella arferion dysgu ieithoedd tramor modern mewn ysgolion yng Nghymru, a chreu strategaethau newydd i ddatblygu sgiliau disgyblion. 

Roedd y rhaglen yn cynnwys y themâu canlynol, a nodwyd fel y prif feysydd i'w datblygu yng Nghymru:

• Sut i ddysgu ieithoedd yn effeithiol ar draws y cwricwlwm
• Ehangu ar yr ystod o strategaethau ar gyfer dealltwriaeth rhyngddiwylliannol a dysgu ieithoedd a ddarperir dan arweiniad Llywodraeth Cymru i'r cwricwlwm ieithoedd tramor modern 
• Ennyn diddordeb disgyblion a rhieni mewn dysgu ieithoedd tramor modern - yn enwedig bechgyn a disgyblion o ardaloedd difreintiedig
• Ennyn cefnogaeth i ddatblygu deunydd dysgu creadigol ac adeiladu partneriaethau cynaliadwy er mwyn arloesi a rhannu syniadau am arferion dysgu effeithiol

Gweld beth ddysgodd ein harbenigwyr iaith o Gymru yn Ontario

Taith i Seattle i drafod ffyrdd o ddatblygu sgiliau’r gweithlu 

Roedd yn bleser gweithio gyda Colegau Cymru i gydlynu'r rhaglen ar gyfer ymweliad uwch-arweinwyr rhai o golegau addysg bellach Cymru â Seattle.

Yn ystod yr ymweliad â Seattle, roedd y ddirprwyaeth o uwch-arweinyddion o golegau o bob cwr o Gymru'n arsylwi arferion gorau ym maes datblygu sgiliau gweithlu ac yn trafod y rhwydwaith integredig o bartneriaid sy'n cydweithio i sicrhau bod addysg a hyfforddiant yn paratoi'r boblogaeth ar gyfer y byd gwaith.  Bu'r ymweliad yn gymorth i ddylanwadu ar bolisi ac i helpu ffurfio'r sector addysg bellach yng Nghymru.

Gweld beth ddysgodd y grŵp yn Seattle

Taith i Hong Kong i drafod ffyrdd o wella cymhwysedd digidol

Y Fframwaith Cymhwysedd Digidol yw elfen gyntaf cwricwlwm newydd ysgolion Cymru i gael ei darparu.  O ganlyniad, prif bwrpas ymweliad Cymunedau Dysgu Proffesiynol Rhyngwladol â Hong Kong fu ysbrydoli dulliau newydd o wella cymhwysedd digidol ar draws holl feysydd y cwricwlwm.

Arsylwodd athrawon o ysgolion cynradd yng Ngogledd a De Cymru ystod o arferion digidol mewn sefydliadau ac ysgolion yn Hong Kong sydd â chymhwysedd digidol o safon uchel.  Roedd y rhaglen yn cynnwys pedair adran y Fframwaith Cymhwysedd Digidol newydd. Rhoddodd hyn gyfle unigryw i athrawon arsylwi arferion gorau rhyngwladol a fydd yn arwain at roi'r Fframwaith Cymhwysedd Digidol ar waith yn eu dosbarthiadau nhw.